పోలింగ్ కేంద్రాల వద్ద ఓటర్లు కానివారు ఉండటానికి వీల్లేదు జిల్లా కలెక్టర్ ఆదేశాలు అమలు చేయాలని ఆర్డీవో ఏ.కుమార్ ఆదేశం

ఎన్టీఆర్ జిల్లా, తిరువూరు: తిరువూరు పట్టణంలోని జడ్పీహెచ్‌ఎస్ పాఠశాలలో ఏర్పాటు చేసిన పోలింగ్ కేంద్రాల వద్ద ఓటర్లు కాని ఇతర వ్యక్తులు ఉండటంపై ఆర్డీవో ఏ.కుమార్ ఆగ్రహం వ్యక్తం చేశారు. పోలింగ్ కేంద్రాల వద్ద ఓటు వేసేందుకు వచ్చిన ఓటర్లు మినహా ఇతరులు ఉండటానికి వీల్లేదని స్పష్టం చేశారు. జిల్లా కలెక్టర్ జారీ చేసిన ఆదేశాలను కచ్చితంగా అమలు చేయాలని, ఎన్నికల నిబంధనలకు అనుగుణంగా పోలింగ్ కేంద్రాల వద్ద పరిస్థితులను పర్యవేక్షించాలని సంబంధిత సిబ్బందికి సూచించారు. పోలింగ్ ప్రక్రియకు ఎలాంటి ఆటంకాలు కలగకుండా చూడాలని, కేంద్రాల వద్ద క్రమశిక్షణ పాటించేలా చర్యలు తీసుకోవాలని ఆదేశించారు.