తగ్గేదేలే.. మున్సిపల్ ఎన్నికల్లో 105 ఏళ్ల బామ్మ ఓటు వయసు మీద పడినా ఓటు హక్కుపై చెక్కుచెదరని నిబద్ధత
కర్నూలు జిల్లా, నవంబర్ 1 (ఎన్ టుడే న్యూస్): మున్సిపల్ ఎన్నికల పోలింగ్ ప్రక్రియ కొన్ని చిన్నపాటి ఉద్రిక్తతలు మినహా ప్రశాంతంగా కొనసాగుతోంది. ఉదయం నుంచే ఓటర్లు పోలింగ్ కేంద్రాలకు తరలివచ్చి తమ ఓటు హక్కును వినియోగించుకుంటున్నారు. ఈ క్రమంలో కర్నూలు జిల్లా ఎమ్మిగనూరులో 105 ఏళ్ల వృద్ధురాలు పోలింగ్ కేంద్రానికి చేరుకుని తన ఓటు హక్కును వినియోగించుకోవడం ప్రత్యేక ఆకర్షణగా నిలిచింది. వయసు మీద పడినా ప్రజాస్వామ్య ప్రక్రియలో భాగస్వామి కావాలన్న ఆమె పట్టుదల పలువురిని ఆకట్టుకుంది. మరోవైపు నడవలేని స్థితిలో ఉన్న వృద్ధులను యువకులు స్వయంగా పోలింగ్ కేంద్రాలకు తీసుకువచ్చి ఓటు వేసేందుకు సహకరించారు. వృద్ధులు, దివ్యాంగులు ఓటు హక్కును వినియోగించుకునేలా యువత అందించిన సహకారం అభినందనీయం. ఓటు విలువను చాటిచెప్పిన 105 ఏళ్ల బామ్మ ప్రజాస్వామ్యంలో ప్రతి ఓటు ఎంత ముఖ్యమో మరోసారి గుర్తుచేశారు.
