ఆత్మకూరు అటవీ ప్రాంతంలో హేమంత్‌పై పోలీసుల కాల్పులు పోలీసులపై కత్తితో దాడి.. ఆత్మరక్షణలో ఆరు రౌండ్లు కాల్పులు

ఎన్ టుడే న్యూస్: రాప్తాడు పాఠశాలలో పదో తరగతి బాలికపై దాడికి పాల్పడినట్లు ఆరోపణలు ఎదుర్కొంటున్న హేమంత్‌పై పోలీసులు కాల్పులు జరిపారు. ఆత్మకూరు అటవీ ప్రాంతంలో హేమంత్ ఉన్నట్లు సమాచారం అందడంతో అతడిని పట్టుకునేందుకు పోలీసులు అక్కడికి వెళ్లారు. ఈ క్రమంలో హేమంత్ పోలీసులపై కత్తితో దాడికి దిగినట్లు సమాచారం. దీంతో ఆత్మరక్షణలో భాగంగా పోలీసులు ఆరు రౌండ్లు కాల్పులు జరిపినట్లు తెలిసింది. ఈ కాల్పుల్లో హేమంత్ తీవ్రంగా గాయపడగా, అతడిని చికిత్స నిమిత్తం ఆసుపత్రికి తరలించారు. ఘటనకు సంబంధించిన పూర్తి వివరాలు తెలియాల్సి ఉంది.