చేనేత సంఘం నూతన కమిటీకి విప్ వేముల వీరేశం శుభాకాంక్షలు

నల్గొండ జిల్లా చిట్యాల మండలం పరిధిలో ఉన్న పెద్దకాపర్తి చేనేత సహకార సంఘం నూతన కమిటీ ఏకగ్రీవంగా ఎన్నికయింది ఎన్నికైన వారిలో చైర్మన్‌గా గుజ్జ యాదగిరి, ఉపాధ్యక్షుడిగా కోట వెంకటేశం, కార్యదర్శిగా వడ్డేపల్లి మురళి, కోశాధికారిగా గంజి శీను ఏకగ్రీవంగా ఎన్నికయ్యారు. అలాగే డైరెక్టర్లుగా జల్లా ముత్యాలు, జల్లా నరసింహ, జల్లా సత్యనారాయణ, జల్లా పద్మ, జల్లా శారదాంబ ఉన్నారు.  ఈ సందర్భంగా స్థానిక సర్పంచ్ కాటం వెంకటేశం ఆధ్వర్యంలో నూతనంగా ఎన్నికైన కమిటీ సభ్యులు శుక్రవారం ప్రభుత్వ విప్, నకిరేకల్ నియోజకవర్గ ఎమ్మెల్యే వేముల వీరేశం మర్యాదపూర్వకంగా కలిశారు. ఈ సందర్భంగా ఎమ్మెల్యే వారికి శాలువాలు కప్పి, పుష్పగుచ్ఛం అందించి శుభాకాంక్షలు తెలియజేశారు. చేనేత కార్మికుల సంక్షేమానికి, సంఘం బలోపేతానికి నూతన కమిటీ అంకితభావంతో పనిచేయాలని ఈ సందర్భంగా ఎమ్మెల్యే ఆకాంక్షించారు. ​ఈ కార్యక్రమంలో వార్డు సభ్యులు కురు యాదయ్య, సాగర్ నాగరాజు, జల్లా ప్రశాంత్, జల్లా అనంతరాములు, గంజి భాస్కర్ తదితరులు పాల్గొన్నారు.