నారాయణపురం మండల కాంగ్రెస్ పార్టీ ప్రధానకార్యదర్శిగా చిలువేరు శంకర్ ఎన్నిక

నారాయణపురం అక్టోబర్ 11: మునుగోడు ఎమ్మెల్యే కోమటిరెడ్డి రాజగోపాల్ రెడ్డి ఆదేశాల మేరకు మండల అధ్యక్షుడు కరెంటుతో శ్రీను నాయక్ ఆధ్వర్యంలో నారాయణపురం మండల కాంగ్రెస్ పార్టీ ప్రధాన కార్యదర్శిగా నారాయణపురం గ్రామానికి చెందిన చిలువేరు శంకర్ ఎన్నికయ్యారు. ఈ నియామకంతో గ్రామంలో కాంగ్రెస్ పార్టీ నాయకులు, కార్యకర్తలు హర్షం వ్యక్తం చేశారు.

ఈ సందర్భంగా చిలువేరు శంకర్ మాట్లాడుతూ, తనపై నమ్మకం ఉంచి మండల ప్రధాన కార్యదర్శి బాధ్యతలు అప్పగించిన ఎమ్మెల్యే కోమటిరెడ్డి రాజగోపాల్ రెడ్డికి కృతజ్ఞతలు తెలిపారు. పార్టీ అభివృద్ధికి కృషి చేస్తానని, నాయకులు, కార్యకర్తలను సమన్వయం చేసుకుంటూ కాంగ్రెస్ పార్టీ బలోపేతానికి తన వంతు కృషి చేస్తానని పేర్కొన్నారు.

చిలువేరు శంకర్‌కు మండల ప్రధాన కార్యదర్శి పదవి దక్కడంపై నారాయణపురం గ్రామస్తులు, కాంగ్రెస్ పార్టీ అభిమానులు హర్షం వ్యక్తం చేస్తూ అభినందనలు తెలిపారు.