పట్టబద్రుల ఓటరు నమోదుకు అర్హులైన ప్రతి ఒక్కరు ముందుకు రావాలి

పట్టబద్రుల ఓటరు నమోదుకు అర్హులైన ప్రతి ఒక్కరు ముందుకు రావాలి 

త్వరలో జరగనున్న నల్గొండ–ఖమ్మం–వరంగల్ పట్టభద్రుల ఎమ్మెల్సీ ఓటరు నమోదు ప్రక్రియలో అర్హులైన ప్రతి పట్టభద్రుడు తమ పేరును నమోదు చేసుకోవాలని నారాయణపూర్ మండల యూత్ కాంగ్రెస్ ఉపాధ్యక్షుడు కోల మహేష్ ముదిరాజ్ పిలుపునిచ్చారు.

పట్టభద్రుల సమస్యలను శాసనమండలిలో సమర్థవంతంగా ప్రస్తావించి, పరిష్కారం కోసం కృషి చేసే నాయకుడిని ఎన్నుకోవడంలో ప్రతి పట్టభద్రుడి భాగస్వామ్యం ఎంతో అవసరమని ఆయన అన్నారు. ప్రజాస్వామ్యంలో ఓటు హక్కు కీలకమని, అర్హత ఉన్న ప్రతి ఒక్కరూ తప్పనిసరిగా ఓటరుగా నమోదు చేసుకోవాలని సూచించారు.

2023లో డిగ్రీ పూర్తి చేసిన పట్టభద్రులు ఓటరు నమోదు కోసం ఓటరు ఐడీ, ఆధార్ కార్డు, డిగ్రీ లేదా గ్రాడ్యుయేషన్ సర్టిఫికెట్, పాస్‌పోర్ట్ సైజ్ ఫొటో, ఫోన్ నంబర్‌తో సంబంధిత ఎమ్మార్వో కార్యాలయంలో ఫారం–18 ద్వారా దరఖాస్తు చేసుకోవచ్చని తెలిపారు.

ఆన్‌లైన్‌లో దరఖాస్తు చేసుకునే వారు ceotelangana.nic.in వెబ్‌సైట్ ద్వారా నవంబర్ 6వ తేదీ వరకు నమోదు చేసుకోవచ్చని కోల మహేష్ తెలిపారు.