నాలుగేళ్లుగా అసంపూర్తి ఫ్లైఓవర్లు.. అధికారుల తీరుకు నిరసనగా పిండ ప్రదానం
తెలంగాణ
/
హన్మకొండ
Seetha Kiran Kumar
Hanmakonda Mandal
నాలుగేళ్లుగా అసంపూర్తి ఫ్లైఓవర్లు. అధికారుల తీరుకు నిరసనగా పిండ ప్రదానం
సుచిత్ర – మేడ్చల్ ఫ్లైఓవర్ల నిర్మాణం నాలుగేళ్లుగా పూర్తికాకపోవడంపై మేడ్చల్ మెట్రో సాధన సమితి (MMSS) వినూత్న నిరసన చేపట్టింది. ఆదివారం సుచిత్ర సర్కిల్‌లో ఫ్లైఓవర్లకు పిండ ప్రదానం నిర్వహించింది.
రెండేళ్లుగా ప్రభుత్వ అధికారులు, ప్రజాప్రతినిధులను పలుమార్లు కలిసి వినతిపత్రాలు సమర్పించినా.. నిర్మాణ పనులు ఎప్పుడు తిరిగి ప్రారంభిస్తారనే దానిపై స్పష్టత రాలేదని సమితి ప్రతినిధులు ఆవేదన వ్యక్తం చేశారు.
ఫ్లైఓవర్ల పనులు నిలిచిపోవడంతో వేలాది మంది ప్రయాణికులు ప్రతిరోజూ ట్రాఫిక్ రద్దీ, కాలుష్యం, రోడ్డు ప్రమాదాల ముప్పును ఎదుర్కొంటున్నారని సమితి పేర్కొంది. అధికారుల నిర్లక్ష్యంతో ప్రయాణ సమయం వృథా అవుతోందని ఆగ్రహం వ్యక్తం చేసింది.
