శేఖర్ మాస్టర్ కారును ఢీకొట్టిన పండ్ల లోడ్ లారీ

షూటింగ్ ముగించుకుని ఇంటికి వెళ్తుండగా ప్రమాదం.. క్షేమంగా ఉన్నట్లు సమాచారం

హైదరాబాద్: ప్రముఖ కొరియోగ్రాఫర్ శేఖర్ మాస్టర్ ప్రయాణిస్తున్న కారు రోడ్డు ప్రమాదానికి గురైనట్లు సమాచారం. సినిమా షూటింగ్ ముగించుకుని ఇంటికి తిరిగి వస్తుండగా, పండ్ల లోడ్‌తో వెళ్తున్న లారీ వెనుక నుంచి ఆయన కారును ఢీకొట్టినట్లు తెలుస్తోంది.

ఈ ప్రమాదంలో శేఖర్ మాస్టర్‌కు పెద్దగా గాయాలు కాలేదని, ఆయన క్షేమంగా ఉన్నట్లు సమాచారం. ప్రమాదం జరిగినప్పటికీ ఆయనకు ఎలాంటి తీవ్రమైన గాయాలు కాకపోవడంతో అభిమానులు ఊపిరి పీల్చుకుంటున్నారు.

ఇదిలా ఉండగా, గతంలో విజయవాడలో పండ్ల వ్యాపారం చేసిన శేఖర్ మాస్టర్ కారును పండ్ల లోడ్‌తో వెళ్తున్న లారీ ఢీకొట్టడం ఇప్పుడు ఆసక్తికర చర్చకు దారితీసింది. మరోవైపు, నిన్ననే ఆయన స్వామి మాల ధరించినట్లు సమాచారం.

అయితే ఈ ప్రమాదానికి సంబంధించిన పూర్తి వివరాలు, అధికారిక సమాచారం తెలియాల్సి ఉంది.