మిద్దెల రామయ్య కుటుంబాన్ని పరామర్శించిన ఎమ్మెల్యే బొజ్జల సుధీర్ రెడ్డి

కర్మక్రియల కార్యక్రమంలో చిత్రపటానికి పూలమాలలు వేసి నివాళులర్పించిన టీడీపీ నాయకులు

శ్రీకాళహస్తి: జనసేన పార్టీ తిరుపతి పార్లమెంట్ సమన్వయకర్త మిద్దెల హరి పెద్దనాన్న మిద్దెల రామయ్య ఇటీవల మృతి చెందారు. ఈ నేపథ్యంలో నిన్న నిర్వహించిన రామయ్య కర్మక్రియల కార్యక్రమానికి శ్రీకాళహస్తి ఎమ్మెల్యే బొజ్జల సుధీర్ రెడ్డి, ఆయన తల్లి బొజ్జల బృందమ్మ హాజరయ్యారు.

ఈ సందర్భంగా రామయ్య చిత్రపటానికి పూలమాలలు వేసి నివాళులర్పించారు. ఆయన మృతి పట్ల సంతాపం వ్యక్తం చేశారు. అనంతరం మిద్దెల హరి కుటుంబ సభ్యులను పరామర్శించి, వారికి ప్రగాఢ సానుభూతి తెలిపారు. ఈ కష్ట సమయంలో కుటుంబ సభ్యులు ధైర్యంగా ఉండాలని ఓదార్చారు.

ఈ కార్యక్రమంలో వ్యవసాయ కమిటీ చైర్మన్ చెంచయ్య నాయుడు, పట్టణ అధ్యక్షుడు విజయకుమార్‌తో పాటు పలువురు టీడీపీ నాయకులు పాల్గొని మిద్దెల రామయ్యకు నివాళులర్పించారు.