శ్రీకాళహస్తి:మహేష్ చిల్డ్రన్ అండ్ జనరల్ హాస్పిటల్ ప్రారంభం

రిబ్బన్ కట్ చేసి ఆసుపత్రిని ప్రారంభించిన ఎమ్మెల్యే బొజ్జల సుధీర్ రెడ్డి

శ్రీకాళహస్తి: శ్రీకాళహస్తి పట్టణంలోని తేట్టు సమీపంలో, 'ఓ వెంకటరమణయ్య' రైస్ మిల్ పక్కన నూతనంగా ఏర్పాటు చేసిన మహేష్ చిల్డ్రన్ అండ్ జనరల్ హాస్పిటల్ ప్రారంభోత్సవ కార్యక్రమం నిర్వహించారు. శ్రీకాళహస్తి ఎమ్మెల్యే బొజ్జల సుధీర్ రెడ్డి ముఖ్య అతిథిగా హాజరై ఆసుపత్రిని ప్రారంభించారు.

ఆసుపత్రి యాజమాన్యం ఆహ్వానం మేరకు కార్యక్రమానికి విచ్చేసిన ఎమ్మెల్యే రిబ్బన్ కట్ చేసి ఆసుపత్రి సేవలను ప్రారంభించారు. అనంతరం ఆసుపత్రి వైద్యులు, నిర్వాహకులు, సిబ్బందికి శుభాకాంక్షలు తెలిపారు.

ఈ సందర్భంగా ఎమ్మెల్యే మాట్లాడుతూ.. ఈ ప్రాంత ప్రజలకు మెరుగైన వైద్య సేవలు అందుబాటులోకి రావడం అవసరమని పేర్కొన్నారు. ముఖ్యంగా చిన్నపిల్లలకు నాణ్యమైన వైద్యం అందించేందుకు ఇటువంటి ఆసుపత్రులు ఉపయోగపడాలని ఆకాంక్షించారు. ప్రజలకు ఉచితంగా లేదా తక్కువ ఖర్చుతో వైద్య సేవలు అందించే దిశగా ఆసుపత్రి యాజమాన్యం కృషి చేయాలని సూచించారు.

స్థానిక ప్రాంత ప్రజలు వైద్య అవసరాల కోసం దూర ప్రాంతాలకు వెళ్లాల్సిన ఇబ్బందులు తగ్గి, సమీపంలోనే వైద్య సేవలు పొందే అవకాశం కలగాలని ఈ సందర్భంగా ఆకాంక్షించారు.

ఈ ప్రారంభోత్సవ కార్యక్రమంలో ఆసుపత్రి వైద్యులు, నిర్వాహకులు, సిబ్బంది, స్థానిక ముఖ్య నాయకులు పాల్గొన్నారు.