సెకండ్ క్లాస్ మేజిస్ట్రేట్ దంతూరి సత్తయ్య గౌడ్‌కు అఖిల భారత గౌడ సంఘం సన్మానం

మర్యాదపూర్వకంగా కలుసుకుని శాలువాతో సత్కారం.. భవిష్యత్తులో మరిన్ని ఉన్నత పదవులు అధిరోహించాలని ఆకాంక్ష

యాదాద్రి భువనగిరి జిల్లా, వలిగొండ, నవంబర్ 11: రామన్నపేట కోర్టు సెకండ్ క్లాస్ మేజిస్ట్రేట్ దంతూరి సత్తయ్య గౌడ్‌ను అఖిల భారత గౌడ సంఘం నాయకులు మర్యాదపూర్వకంగా కలిసి సన్మానించారు. వలిగొండ పట్టణ కేంద్రంలోని ఆయన నివాసంలో బుధవారం ఈ కార్యక్రమం నిర్వహించారు. ఈ సందర్భంగా సంఘం నాయకులు సత్తయ్య గౌడ్‌కు శాలువా కప్పి ఘనంగా సత్కరించి అభినందనలు తెలిపారు.

అనంతరం అఖిల భారత గౌడ సంఘం నాయకులు మాట్లాడుతూ.. దంతూరి సత్తయ్య గౌడ్ భవిష్యత్తులో మరింత ఉన్నత స్థాయికి ఎదిగి, అంచెలంచెలుగా ఎన్నో పదవులు అధిరోహించాలని ఆకాంక్షించారు. తన వృత్తిపరమైన ప్రస్థానంలో మరిన్ని విజయాలు సాధిస్తూ గౌడ సామాజిక వర్గానికి మంచి పేరు, ప్రతిష్ఠలు తీసుకురావాలని అభిలషించారు. ఆయన సాధించిన స్థానం పట్ల సంతోషం వ్యక్తం చేస్తూ శుభాకాంక్షలు తెలిపారు.

ఈ కార్యక్రమంలో అఖిల భారత గౌడ సంఘం మహిళా విభాగం జాతీయ కార్యదర్శి చింతలూరి దీపా దేవి, సంఘం రాష్ట్ర ఉపాధ్యక్షుడు నాయనంపల్లి శ్రీనివాస్ గౌడ్, రంగారెడ్డి జిల్లా అధ్యక్షుడు పాండాల దశరథ గౌడ్, యాదాద్రి భువనగిరి జిల్లా ఉపాధ్యక్షులు దంతూరి రాములు గౌడ్, జువ్వగోని శంకర్ గౌడ్, గ్రేటర్ హైదరాబాద్ మీడియా విభాగం కో-కన్వీనర్ సూరగౌని నవీన గౌడ్ తదితరులు పాల్గొని సత్తయ్య గౌడ్‌ను అభినందించారు.