మధిర రైల్వే రామాలయ నిర్మాణానికి రూ.1,00,116 విరాళం

ఖమ్మం జిల్లా, మధిర: పట్టణంలోని రైల్వే రామాలయంలో శ్రీ సీతారామచంద్ర స్వామివారి ఆలయ నిర్మాణం, అభివృద్ధి పనులకు భక్తులు తమ వంతు సహకారం అందిస్తున్నారు. ఇందులో భాగంగా ప్రభుత్వ ఉపాధ్యాయుడు బూసా కోటేశ్వరరావు సతీమణి బుధవారం ఆలయ నిర్మాణం కోసం రూ.1,00,116 (ఒక లక్ష నూట పదహారు రూపాయలు) విరాళంగా అందజేశారు. ఆలయ అభివృద్ధిపై భక్తితో ముందుకొచ్చి భారీ మొత్తంలో విరాళం అందించిన కోటేశ్వరరావు దంపతులకు రైల్వే రామాలయ కమిటీ తరఫున గుర్రం రామారావు, పుల్లారావు, కటికల సీతారామిరెడ్డి హృదయపూర్వక ధన్యవాదాలు తెలియజేశారు. ఈ సందర్భంగా దంపతులను ప్రత్యేకంగా అభినందించారు. ఆలయ నిర్మాణానికి భక్తులు అందిస్తున్న సహకారం అభినందనీయమని పేర్కొన్నారు.