ఉద్యమకారుల ఫోరం యాదాద్రి జిల్లా ఉపాధ్యక్షుడిగా రెబ్బాస్ రాములు ఎన్నిక

నియామక పత్రం అందజేసిన రాష్ట్ర అధ్యక్షుడు డాక్టర్ చీమ శ్రీనివాస్.. సహకరించిన నాయకులకు కృతజ్ఞతలు తెలిపిన రాములు

యాదాద్రి జిల్లా, రామన్నపేట, నవంబర్ 11: ఉద్యమకారుల ఫోరం యాదాద్రి జిల్లా ఉపాధ్యక్షుడిగా కామ్రేడ్ రెబ్బాస్ రాములు నియమితులయ్యారు. ఈ మేరకు ఉద్యమకారుల ఫోరం రాష్ట్ర అధ్యక్షుడు డాక్టర్ చీమ శ్రీనివాస్ ఆయనకు నియామక పత్రాన్ని అందజేశారు. జిల్లా స్థాయిలో ఫోరం బలోపేతానికి, ఉద్యమకారుల సమస్యల పరిష్కారానికి తన వంతు కృషి చేయాలనే బాధ్యతతో ఈ నియామకం చేపట్టినట్లు కార్యక్రమంలో పేర్కొన్నారు.

నియామక పత్రం అందుకున్న అనంతరం రెబ్బాస్ రాములు మాట్లాడుతూ.. తనపై నమ్మకం ఉంచి జిల్లా ఉపాధ్యక్షుడిగా బాధ్యతలు అప్పగించిన రాష్ట్ర అధ్యక్షుడు డాక్టర్ చీమ శ్రీనివాస్‌కు కృతజ్ఞతలు తెలిపారు. తన ఎన్నికకు సహకరించిన ఉద్యమకారుల ఫోరం రాష్ట్ర మైనార్టీ సెల్ కన్వీనర్ ఎస్.కె. చాంద్, రాష్ట్ర ఉపాధ్యక్షుడు జోగు అంజన్నలకు ప్రత్యేక ధన్యవాదాలు తెలియజేశారు.

తనకు అప్పగించిన బాధ్యతలను సమర్థవంతంగా నిర్వహిస్తూ ఉద్యమకారుల ఫోరం అభివృద్ధికి కృషి చేస్తానని రాములు తెలిపారు. ఉద్యమకారుల సమస్యలను గుర్తించి, వారి హక్కులు, సంక్షేమం కోసం ఫోరం తరఫున పనిచేస్తానని పేర్కొన్నారు.

ఈ కార్యక్రమంలో రామన్నపేట మండల అధ్యక్షుడు నోముల శంకర్, ఉపాధ్యక్షుడు బొడ్డుపల్లి లింగయ్య, మైనార్టీ సెల్ అధ్యక్షుడు ఎం.డి. ఇమామ్ సాబ్‌తో పాటు ఉద్యమ నాయకులు గొలుసుల ప్రసాద్, ఆవుల నరేందర్, మధ్య గల నరసింహ, కైరం కొండ సంతోష్, వంగాల యాదయ్య, గడ్డం యాదగిరి, ఏలూరు రవి, డాక్టర్ కొండా మల్లేష్, డాక్టర్ నకిరేకంటి అశోక్, స్కైలాబ్ తదితరులు పాల్గొన్నారు.