తెలంగాణలో చేనేత కార్మికులకు శుభవార్త.. నేటి నుంచే కొత్త పెన్షన్ల పంపిణీ

తెలంగాణ రాష్ట్రంలోని అర్హులైన చేనేత కార్మికులకు ప్రభుత్వం కొత్తగా పెన్షన్లు మంజూరు చేయనుంది. నవంబర్ 12 గురువారం నుంచి ఈ నెల 18వ తేదీ వరకు కొత్త పెన్షన్ల పంపిణీ కార్యక్రమాన్ని నిర్వహించేందుకు అధికారులు ఏర్పాట్లు చేపట్టారు. అర్హులైన చేనేత కార్మికులకు ఆర్థిక భరోసా కల్పించాలనే లక్ష్యంతో ఈ ప్రక్రియను ప్రారంభిస్తున్నారు. ఈ మేరకు క్షేత్రస్థాయిలో అవసరమైన ఏర్పాట్లు పూర్తి చేయాలని సెర్ప్ ముఖ్య కార్యనిర్వహణ అధికారి ఇప్పటికే అన్ని జిల్లాల కలెక్టర్లకు ఆదేశాలు జారీ చేశారు. పెండింగ్‌లో ఉన్న దరఖాస్తులను తక్షణమే పరిశీలించి, అర్హులైన వారిని గుర్తించాలని సూచించారు. అర్హత కలిగిన ప్రతి ఒక్కరికీ నిబంధనల ప్రకారం పారదర్శకంగా పెన్షన్లు మంజూరు చేసేలా చర్యలు తీసుకోవాలని స్పష్టం చేశారు. మండల కేంద్రాలు, మున్సిపాలిటీలలో సంబంధిత అధికారులు, ప్రజాప్రతినిధుల సమక్షంలో లబ్ధిదారులకు పెన్షన్ మంజూరు పత్రాలను అందజేయనున్నారు. నవంబర్ 18 వరకు కొనసాగనున్న ఈ కార్యక్రమంలో అర్హులైన చేనేత కార్మికులకు కొత్త పెన్షన్లు అందనున్నాయి. పెండింగ్ దరఖాస్తుల పరిశీలనతో పాటు పంపిణీ ప్రక్రియను నిర్ణీత గడువులోగా పూర్తి చేయాలని జిల్లా అధికారులకు ఆదేశాలు అందాయి.