ఎల్లంబజార్‌లో ఘనంగా బొడ్డెమ్మ వేడుకలు

వరంగల్: ఎల్లంబజార్‌లోని శ్రీ సీతారామచంద్రస్వామి దేవాలయంలో గురువారం బొడ్డెమ్మ వేడుకలు నిర్వహించారు. ఈ సందర్భంగా బొడ్డెమ్మను అందంగా అలంకరించి ప్రత్యేక పూజలు నిర్వహించారు.

అనంతరం మహిళలు బొడ్డెమ్మ చుట్టూ చేరి సంప్రదాయ పాటలు పాడుతూ కోలాటాలు ఆడారు. పెద్ద సంఖ్యలో మహిళలు వేడుకల్లో పాల్గొని బతుకమ్మ సంబరాలకు శ్రీకారం చుట్టారు.

మహిళల కోలాటాలు, పాటలతో ఆలయ పరిసరాల్లో సందడి నెలకొంది. వేడుకల సందర్భంగా ఎల్లంబజార్‌లో పండుగ వాతావరణం కనిపించింది.