హైదరాబాద్‌కు అమిత్ షా.. బషీర్‌బాగ్ నుంచి మొజంజాహీ మార్కెట్ వరకు పాదయాత్ర కాంగ్రెస్ విధానాలకు వ్యతిరేకంగా నిరసన.. సభలో ప్రసంగించనున్న కేంద్ర హోంమంత్రి

ఎన్ టుడే న్యూస్: కేంద్ర హోంమంత్రి అమిత్ షా ఇవాళ హైదరాబాద్‌కు రానున్నారు. మధ్యాహ్నం 1.10 గంటలకు నగరానికి చేరుకోనున్న ఆయన, కాంగ్రెస్ విధానాలకు వ్యతిరేకంగా నిర్వహించే పాదయాత్రలో పాల్గొననున్నారు. సాయంత్రం 4 గంటలకు బషీర్‌బాగ్ నుంచి మొజంజాహీ మార్కెట్ వరకు సాగే పాదయాత్రను అమిత్ షా ప్రారంభిస్తారు. అనంతరం మొజంజాహీ మార్కెట్ వద్ద నిర్వహించే బహిరంగ సభలో ప్రసంగిస్తారు. పాదయాత్ర ప్రారంభానికి ముందు పలువురు ప్రముఖులతో ఆయన సమావేశం కానున్నారు. పర్యటనలో భాగంగా నిర్ణీత కార్యక్రమాలను ముగించుకున్న అనంతరం సాయంత్రం 6 గంటలకు బేగంపేట విమానాశ్రయం నుంచి ప్రత్యేక విమానంలో ఢిల్లీకి బయలుదేరుతారు.