కలెక్టరేట్‌లో ఘనంగా దొడ్డి కొమురయ్య జయంతి వేడుకలు

మంచిర్యాల జిల్లా కలెక్టరేట్‌లో ఘనంగా దొడ్డి కొమురయ్య జయంతి వేడుకలు

తెలంగాణ సాయుధ పోరాట యోధుడు దొడ్డి కొమురయ్య జయంతి వేడుకలను మంచిర్యాల జిల్లా కలెక్టరేట్‌లో శుక్రవారం వెనుకబడిన తరగతుల అభివృద్ధి శాఖ ఆధ్వర్యంలో ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన జిల్లా అదనపు కలెక్టర్ చంద్రయ్య గారు, కొమురయ్య చిత్రపటానికి పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ, నిజాం నిరంకుశ పాలనలో భూమి, భుక్తి, విముక్తి కోసం సాగిన సాయుధ పోరాటంలో దొడ్డి కొమురయ్య అలుపెరుగని పోరాటం చేశారని, ప్రజల సంక్షేమం కోసం ఆయన చేసిన త్యాగం వెలకట్టలేనిదని కొనియాడారు. నేటి తరానికి ఆయన పోరాట పటిమ స్ఫూర్తిదాయకమని పేర్కొన్న ఈ కార్యక్రమంలో వివిధ శాఖల అధికారులు మరియు సిబ్బంది పాల్గొని నివాళులర్పించారు