Chityal: దొంగతనం కేసులో ఇద్దరికి రెండేళ్ల జైలు శిక్ష

రూ.500 జరిమానా విధిస్తూ న్యాయస్థానం తీర్పు

NTODAY NEWS : చిట్యాల

నల్గొండ జిల్లా చిట్యాల పోలీస్ స్టేషన్ పరిధిలో నమోదైన దొంగతనం కేసులో ఇద్దరు నిందితులకు రెండేళ్ల సాధారణ జైలు శిక్షతో పాటు జరిమానా విధిస్తూ నల్గొండ ప్రిన్సిపల్ జ్యుడీషియల్ ఫస్ట్ క్లాస్ మెజిస్ట్రేట్ కోర్టు తీర్పు ఇచ్చినట్టు  ఈ విషయాన్ని చిట్యాల ఎస్‌ఐ వెంకట్‌రెడ్డి వెల్లడించారు. చిట్యాల పోలీస్ స్టేషన్‌లో క్రైమ్ నంబర్ 131/2026, సీసీ నంబర్ 667/2026, సెక్షన్ 305(బి) బీఎన్‌ఎస్ కింద నమోదైన కేసులో నీలాపు నీలయ్య (26), బత్తిని నరేష్ అలియాస్ లవ్లీ నరేష్ (29)లను నిందితులుగా గుర్తించారు. ఈ కేసులో చెర్లపల్లి కేంద్ర కారాగారం నుంచి నిందితులు ఇద్దరినీ కోర్టుకు హాజరుపరచగా, విచారణ అనంతరం న్యాయమూర్తి వారికి రెండేళ్ల సాధారణ జైలు శిక్షతో పాటు ఒక్కొక్కరికి రూ.500 జరిమానా విధిస్తూ తీర్పు ఇచ్చారు. జరిమానా చెల్లించని పక్షంలో అదనంగా 15 రోజుల సాధారణ జైలు శిక్ష అనుభవించాలని ఆదేశించారు. ఈ కేసులో పబ్లిక్ ప్రాసిక్యూటర్‌గా ఎన్. కృష్ణయ్య, దర్యాప్తు అధికారిగా చిట్యాల ఎస్‌ఐ ఎం. రవికుమార్ వ్యవహరించారు. నల్లగొండ డీఎస్పీ శివరాం రెడ్డి, నార్కట్‌పల్లి సీఐ ఎస్. సురేష్, చిట్యాల ఎస్‌హెచ్‌ఓ బి. వెంకట్‌రెడ్డి పర్యవేక్షణలో కేసు విచారణ ప్రక్రియ కొనసాగింది. కోర్టు డ్యూటీ అధికారిగా కానిస్టేబుల్ ఎ. ముత్తిలింగం, లైజన్ అధికారులుగా హెడ్ కానిస్టేబుల్ పి. నరేందర్, కానిస్టేబుల్ ఎన్. మల్లికార్జున్ సమన్వయం చేశారు. నిందితులకు శిక్ష పడేలా కృషి చేసిన పోలీసు అధికారులను ఈ సందర్భంగా ఉన్నతాధికారులు అభినందించారు.