5 నుంచి 15 ఏళ్ల పిల్లలకు ఆధార్ బయోమెట్రిక్ అప్‌డేట్ ఉచితం

5 నుంచి 15 ఏళ్ల పిల్లలకు ఆధార్ బయోమెట్రిక్ అప్‌డేట్ ఉచితం

యూఐడీఏఐ (UIDAI) 5 నుంచి 15 సంవత్సరాల మధ్య వయస్సు ఉన్న పిల్లల ఆధార్ కార్డుల్లో బయోమెట్రిక్ వివరాల అప్‌డేట్‌కు ఉచిత సేవను అందిస్తోంది. ఈ ఉచిత సదుపాయం సెప్టెంబర్ 30 వరకు మాత్రమే అందుబాటులో ఉంటుందని అధికారులు తెలిపారు.

ఐదేళ్ల లోపు పిల్లలకు ఆధార్ నమోదు సమయంలో బయోమెట్రిక్ వివరాలు తీసుకోరు. పిల్లలు ఐదేళ్లు దాటిన తర్వాత వేలిముద్రలు, కంటి ఐరిస్ వంటి బయోమెట్రిక్ వివరాలను తప్పనిసరిగా అప్‌డేట్ చేయించుకోవాలి.

సెప్టెంబర్ 30 తర్వాత ఆధార్ బయోమెట్రిక్ అప్‌డేట్ చేయించుకుంటే నిర్ణీత రుసుం చెల్లించాల్సి ఉంటుందని అధికారులు వెల్లడించారు. పిల్లల భవిష్యత్ అవసరాల కోసం తల్లిదండ్రులు ఈ ఉచిత అవకాశాన్ని వినియోగించుకోవాలని సూచించారు.