సత్తుపల్లిలో అపురూప దృశ్యం.. కలెక్టర్‌ను ఆలింగనం చేసుకున్న మంత్రి తుమ్మల!

16 మంది ప్రాణాలతో సురక్షితంగా బయటపడటంతో భావోద్వేగానికి గురైన మంత్రి ఖమ్మం జిల్లా సత్తుపల్లిలోని బేతుపల్లి పెద్ద చెరువు వద్ద హృదయాన్ని కదిలించే ఘటన చోటుచేసుకుంది. చెరువు కట్ట తెగిన ప్రమాదకర పరిస్థితుల్లో చిక్కుకున్న 16 మంది సురక్షితంగా ప్రాణాలతో బయటపడటంతో అందరిలోనూ ఆనందం వెల్లివిరిసింది. ఈ సందర్భంగా సహాయక చర్యలను సమర్థవంతంగా పర్యవేక్షించి 16 మంది ప్రాణాలను కాపాడటంలో కీలకంగా వ్యవహరించిన జిల్లా కలెక్టర్‌ను మంత్రి తుమ్మల నాగేశ్వరరావు అభినందించారు. తీవ్ర ఉత్కంఠ మధ్య సాగిన సహాయక చర్యలు విజయవంతం కావడంతో భావోద్వేగానికి గురైన మంత్రి తుమ్మల కలెక్టర్‌ను ఆప్యాయంగా ఆలింగనం చేసుకున్నారు. విధి నిర్వహణలో అంకితభావం, సమయస్ఫూర్తి, మానవత్వానికి ఈ దృశ్యం నిదర్శనంగా నిలిచింది.