ఆడపిల్ల వివాహానికి రూ.5,016 కానుక మాటనిలబెట్టుకున్న సర్పంచ్ కిషన్ నాయక్

ఎన్నికల సమయంలో ఇచ్చిన హామీని నిలబెట్టుకున్న సర్పంచ్ కిషన్ నాయక్.. నూతన వధూవరులకు ఆశీర్వాదం

యాదాద్రి భువనగిరి జిల్లా, మర్రిబావి తండా (ఎన్ టుడే న్యూస్): నిరుపేద కుటుంబాలకు అండగా నిలుస్తానని ఎన్నికల సమయంలో ఇచ్చిన హామీని మర్రిబావి తండా గ్రామ సర్పంచ్ కిషన్ నాయక్ నిలబెట్టుకున్నారు. సభావత్ తండాకు చెందిన కీర్తిశేషులు సభావత్ బిక్కు–విజయ దంపతుల ఏకైక కుమార్తె మంజుల వివాహ వేడుకకు హాజరై నూతన వధూవరులను ఆశీర్వదించారు.

ఇచ్చిన మాట ప్రకారం పెళ్లి కానుక

మర్రిబావి తండా గ్రామపంచాయతీ ఎన్నికల సమయంలో నిరుపేద కుటుంబాలకు చెందిన ఆడపిల్లల వివాహాలకు రూ.5,016 చొప్పున పెళ్లి కానుకగా అందజేస్తానని కిషన్ నాయక్ హామీ ఇచ్చారు. ఆ హామీ మేరకు మంజుల వివాహం సందర్భంగా రూ.5,016 నగదును కానుకగా అందజేశారు.

ఎన్నికల సమయంలో ఇచ్చిన మాటను నిలబెట్టుకుని పేద కుటుంబానికి అండగా నిలవడంపై పలువురు హర్షం వ్యక్తం చేశారు. సర్పంచ్ చేపట్టిన ఈ కార్యక్రమాన్ని అభినందించారు.

పలువురు ప్రజాప్రతినిధుల పాల్గొనడం

ఈ కార్యక్రమంలో ఉపసర్పంచ్ సభావత్ రాజేందర్, 7వ వార్డు సభ్యుడు సభావత్ సేవా, ఆంగోత్ హాథిరాం, సభావత్ అంతిరాం, సభావత్ మొత్య, సభావత్ సకృ తదితరులు పాల్గొన్నారు.