భారత్ బజార్‌ను ప్రారంభించిన సర్పంచ్ ఉప్పల విజయలక్ష్మి లింగస్వామి
నిర్వాహకుడు ఎండీ వాజిద్‌కు శుభాకాంక్షలు తెలిపిన సర్పంచ్.. కార్యక్రమానికి హాజరైన పలువురు ప్రజాప్రతినిధులు, నాయకులు
సంస్థాన్ నారాయణపురం, నవంబర్ 05 (ఎన్ టుడే న్యూస్): యాదాద్రి భువనగిరి జిల్లా సంస్థాన్ నారాయణపురం మండల కేంద్రంలో నూతనంగా ఏర్పాటు చేసిన భారత్ బజార్‌ను గ్రామ సర్పంచ్ ఉప్పల విజయలక్ష్మి లింగస్వామి ప్రారంభించారు. మండల కేంద్రంలోని చౌరస్తా నుంచి అంబేద్కర్ విగ్రహం వైపు వెళ్లే మార్గంలో నిర్వాహకుడు ఎండీ వాజిద్ ఈ బజార్‌ను ఏర్పాటు చేశారు.
నిర్వాహకులకు శుభాకాంక్షలు
నూతన భారత్ బజార్‌ను ప్రారంభించిన అనంతరం సర్పంచ్ ఉప్పల విజయలక్ష్మి లింగస్వామి నిర్వాహకుడు ఎండీ వాజిద్‌కు శుభాకాంక్షలు తెలిపారు. వ్యాపారాన్ని విజయవంతంగా కొనసాగించాలని ఆకాంక్షించారు.
పలువురు ప్రముఖుల హాజరు
ఈ కార్యక్రమంలో గ్రామ ఉపసర్పంచ్ పల్లె మల్లారెడ్డి, మాజీ ఎంపీపీ గుత్తా ఉమా ప్రేమ్ చందర్ రెడ్డి, మాజీ సర్పంచ్ కోన్‌రెడ్డి నర్సింహ, కాంగ్రెస్ పార్టీ గ్రామ శాఖ అధ్యక్షుడు బద్దుల మురళి యాదవ్, గుత్త వెంకటరెడ్డి, ఎండీ గౌస్ ఖురేషి, మాజీ వార్డు సభ్యులు ఎండీ ముస్తఫా ఖాన్, ఎండీ ఫయాజ్, గునిగంటి రాజు గౌడ్, ఉప్పల శ్రీనివాస్, బద్దుల యాదగిరి యాదవ్, గడ్డం యాదగిరి, ఎండీ ఇమ్రాన్ తదితరులు పాల్గొన్నారు.
