అంగన్వాడీ, ఆశా వర్కర్ల పోరాటానికి వైఎస్సార్‌సీపీ పూర్తి మద్దతు – చిర్ల జగ్గిరెడ్డి
అంగన్వాడీ, ఆశా వర్కర్ల పోరాటానికి వైఎస్సార్‌సీపీ పూర్తి మద్దతు –డాక్టర్ బి.ఆర్ అంబేద్కర్ కోనసీమ జిల్లా అధ్యక్షులుచిర్ల జగ్గిరెడ్డి
కష్టపడుతున్న ఫ్రంట్‌లైన్ మహిళా ఉద్యోగుల న్యాయమైన డిమాండ్లు వెంటనే పరిష్కరించాలి
హక్కుల సాధన కోసం జరిగే ప్రతి పోరాటంలో వైఎస్సార్‌సీపీ అండగా ఉంటుంది
డాక్టర్ బి.ఆర్. అంబేద్కర్ కోనసీమ జిల్లాలో ఆంధ్రప్రదేశ్ అంగన్వాడీ వర్కర్స్ & హెల్పర్స్ యూనియన్ (సీఐటీయూ), ఆశా వర్కర్లు, యానిమేటర్లు కలిసి అమలాపురం కలెక్టర్ కార్యాలయం ఎదుట నిర్వహించిన నిరసన కార్యక్రమానికి డాక్టర్ బి.ఆర్. అంబేద్కర్ కోనసీమ జిల్లా వైఎస్ఆర్ కాంగ్రెస్ పార్టీ అధ్యక్షులు, మాజీ ఎమ్మెల్యే చిర్ల జగ్గిరెడ్డి మద్దతు ప్రకటించారు.
ఈ సందర్భంగా చిర్ల జగ్గిరెడ్డి మాట్లాడుతూ, అంగన్వాడీ వర్కర్లు, హెల్పర్లు, ఆశా వర్కర్లు, యానిమేటర్లు గ్రామీణ ప్రాంతాల్లో ప్రజలకు నిరంతరం సేవలందిస్తూ ప్రభుత్వ సంక్షేమ కార్యక్రమాలను ప్రజలకు చేరవేయడంలో కీలక పాత్ర పోషిస్తున్నారని అన్నారు. అలాంటి వారికి తగిన వేతనాలు, ఉద్యోగ భద్రత, సేవా నిబంధనల అమలు, పెండింగ్ సమస్యల పరిష్కారం వంటి న్యాయమైన డిమాండ్లను ప్రభుత్వం వెంటనే పరిష్కరించాలని డిమాండ్ చేశారు.
