ఈనెల 13 నుంచి ఆర్మీ రిక్రూట్మెంట్ ర్యాలీ

హైదరాబాద్: తెలంగాణ రాష్ట్రంలో ఈ నెల 13 నుంచి 24వ తేదీ వరకు ఆర్మీ రిక్రూట్‌మెంట్ ర్యాలీ నిర్వహించనున్నారు. అగ్నివీర్‌తో పాటు పలు విభాగాల్లో పోస్టుల భర్తీకి గచ్చిబౌలిలోని జీఎంసీ బాలయోగి స్టేడియంలో రక్షణ శాఖ అధికారులు ఈ ర్యాలీ చేపట్టనున్నారు.

రిక్రూట్‌మెంట్‌కు హాజరయ్యే అభ్యర్థులు తమకు సంబంధించిన అన్ని ధ్రువపత్రాలను వెంట తీసుకురావాలని అధికారులు సూచించారు. ఎంపిక ప్రక్రియ పూర్తిగా పారదర్శకంగా నిర్వహిస్తామని స్పష్టం చేశారు. అభ్యర్థులు ఎలాంటి అపోహలకు గురికావద్దని తెలిపారు.

మరిన్ని వివరాల కోసం 040-27740059 నంబర్‌ను సంప్రదించాలని అధికారులు సూచించారు.