జోగిని హత్య కేసులో ఇద్దరు నిందితుల అరెస్ట్
తెలంగాణ
/
యాదాద్రి భువనగిరి
/
చౌటుప్పల్
Kola Mahesh
Munugodu Constituency
జీపీఎస్‌, వాహన నంబర్‌ ఆధారంగా నిందితులను పట్టుకున్నాం: ఎస్పీ ఆకాంక్ష యాదవ్‌
చౌటుప్పల్, నవంబర్‌ 2 (ఎన్‌ టుడే న్యూస్‌): సుధాకర్‌జోగిని హత్య కేసులో ఇద్దరు నిందితుల అరెస్ట్. నిందితులు పవన్‌, హరీష్‌ పాండేలను అరెస్ట్ చేసినట్లు ఎస్పీ ఆకాంక్ష యాదవ్‌ వెల్లడించారు. హత్య అనంతరం మృతుడికి చెందిన కారులోనే నిందితులు పరారైనట్లు తెలిపారు.
ఈ ఘటనలో 300 గ్రాముల బంగారం, 3 కిలోల వెండి, రూ.9,03,300 నగదును నిందితులు అపహరించినట్లు ఎస్పీ పేర్కొన్నారు. అపహరణకు గురైన సొత్తు మొత్తం విలువ రూ.1,73,63,300 ఉంటుందని వెల్లడించారు.
జీపీఎస్‌ సమాచారం, వాహన నంబర్‌ ఆధారంగా నిందితుల ఆచూకీ గుర్తించినట్లు ఎస్పీ వివరించారు. ఈ క్రమంలో నిర్మల్‌ జిల్లా గంజాల్‌ టోల్‌ ప్లాజా వద్ద పవన్‌, హరీష్‌ పాండేలను పోలీసులు పట్టుకుని అరెస్ట్ చేసినట్లు తెలిపారు.
