ప్రతి ఇంటిలో ఇంకుడు గుంతలు నిర్మిద్దాం. నీరు వృధా కాకుండా కాపాడుకుందాం

• ప్రతి ఇంటిలో ఇంకుడు గుంతలు నిర్మిద్దాం..
• ప్రతి నీటి చుక్కను వృధా కాకుండా కాపాడుకుందాం 
• ఎంపీడీవో సింగారపు కుమార్ 

ఎల్ నినో" కరువు" ప్రభావం పై మండల ప్రజా పరిషత్ ఆధ్వర్యంలో ఫ్లెక్సీ ప్రదర్శన

 హనుమకొండ: ప్రతి ఇంటిలో ఇంకుడు గుంతలు నిర్మాణం చేసుకొని ప్రతి నీటి చుక్కను వృధా కాకుండా కాపాడుకుందాం అని ఎంపీడీవో సింగారపు కుమార్ ప్రజలకు పిలుపునిచ్చారు.మండల కేంద్రంలోని స్థానిక అంబేద్కర్ సెంటర్లో మండల ప్రజా పరిషత్ ఆధ్వర్యంలో ఎల్  నినోకరువుకారణంగా నీరును వృధా కాకుండా తీసుకోవలసిన జాగ్రత్తల పై ఫ్లెక్సీ ఏర్పాటు చేశారు. సోమవారం ఫ్లెక్సీ వద్ద 28 శాఖలకు సంబంధించిన మండల స్థాయి అధికారులతో అవగాహన కార్యక్రమం నిర్వహించారు. ఈ సందర్భంగా స్థానికతహసిల్దార్ చందా నరేష్ తో కలిసి ఆయన మాట్లాడుతూ  2027 జూన్ నాటికి వర్షాలు పడే పరిస్థితి కనిపించడం లేదని వాతావరణ శాఖ తెలియజేస్తుందనిఅందువల్ల భూగర్భ జలాలు అడుగంటిపోయి త్రాగు నీటికి ఇబ్బందులు ఎదుర్కొనే పరిస్థితి రాకుండా ఉండేందుకు ప్రభుత్వం దూరదృష్టితో నీటిని రక్షించుకునే చర్యలనుచేపట్టడంజరిగిందన్నారు. కావున మండలంలోని ప్రజలు ఇంకుడు గుంతలు నిర్మాణం, పర్యావరణ రక్షణ కోసం చెట్లను నాటడం వంటివి విరివిగా చేపట్టాలన్నారు. అంతేకాకుండా గ్రామాల్లో సర్పంచులు ప్రజలకు అవగాహన కల్పించాలన్నారు. ఈ కార్యక్రమంలో ఆయా శాఖల అధికారులు ఏపీఎం పరుచూరి నరేంద్ర కుమార్, ఎం పి ఓ యసం వెంకటనారాయణ, ఎంఈఓ రాందాస్, ఏఎస్ఐ రాజారాం నాయక్, అంగన్వాడి సూపర్వైజర్ జలగం సునీత, సర్పంచ్ లు బండి శ్రీను, కత్తుల కళ్యాణియాకాంతం యాదవ్, తదితరులు ఉన్నారు.