Eluru: కాంగ్రెస్ విజయానికి ప్రజల మద్దతు అవసరం

-చింతలపూడి నియోజకవర్గ కాంగ్రెస్ కో-ఆర్డినేటర్ ఉన్నమట్ల ఎలిజ

ఎన్ టుడే న్యూస్: ఏలూరు జిల్లా, చింతలపూడి: స్థానిక సంస్థల ఎన్నికల్లో కాంగ్రెస్ పార్టీ అభ్యర్థులను గెలిపించుకునే బాధ్యత ప్రజలపై ఉందని కాంగ్రెస్ పార్టీ చింతలపూడి నియోజకవర్గ కో-ఆర్డినేటర్ ఉన్నమట్ల ఎలిజ అన్నారు. చింతలపూడి మండలంలో కాంగ్రెస్ పార్టీ ఆధ్వర్యంలో నిర్వహించిన ఎంపీటీసీ, జడ్పీటీసీ ఎన్నికల ప్రచార ర్యాలీలో ఆయన పాల్గొని పార్టీ నాయకులు, కార్యకర్తలతో కలిసి విస్తృతంగా ప్రచారం నిర్వహించారు. ఈ సందర్భంగా కాంగ్రెస్ పార్టీ అభ్యర్థులకు ప్రజలు మద్దతు తెలిపి విజయాన్ని అందించాలని కోరారు.

ఈ సందర్భంగా ఉన్నమట్ల ఎలిజ మాట్లాడుతూ దేశంలో కాంగ్రెస్ పార్టీకి ప్రజాదరణ పెరుగుతోందని, రానున్న రోజుల్లో కేంద్రంలో కాంగ్రెస్ పార్టీ అధికారంలోకి వస్తుందనే ఆశాభావం వ్యక్తం చేశారు. రాహుల్ గాంధీ ప్రధానమంత్రి అవుతారని ధీమా వ్యక్తం చేశారు. ప్రజా సమస్యల పరిష్కారం కోసం కాంగ్రెస్ పార్టీ నిరంతరం పోరాటం చేస్తోందని, ప్రజల ఆకాంక్షలకు అనుగుణంగా పార్టీ ముందుకు సాగుతోందని పేర్కొన్నారు.

ఢిల్లీలో ఆదివారం రాహుల్ గాంధీ ఇచ్చిన పిలుపునకు వేలాది మంది ప్రజలు తరలిరావడం కాంగ్రెస్ పార్టీ పట్ల ప్రజల్లో ఉన్న ఆదరణకు నిదర్శనమని ఎలిజ అన్నారు. దేశవ్యాప్తంగా ఇండియా కూటమికి ప్రజల మద్దతు పెరుగుతోందని, రానున్న ఎన్నికల్లో కూటమి అధికారంలోకి వస్తుందనే విశ్వాసం వ్యక్తం చేశారు.

స్థానిక సంస్థల ఎన్నికలు గ్రామీణ ప్రాంతాల అభివృద్ధికి, ప్రజా సమస్యల పరిష్కారానికి కీలకమని పేర్కొన్న ఆయన, కాంగ్రెస్ పార్టీ అభ్యర్థులను గెలిపించడం ద్వారా పార్టీని మరింత బలోపేతం చేయాలని ప్రజలకు విజ్ఞప్తి చేశారు. కాంగ్రెస్ నాయకులు, కార్యకర్తలు సమష్టిగా పనిచేస్తూ ప్రజల్లోకి వెళ్లాలని, పార్టీ విధానాలను వివరించి ఓటర్ల మద్దతు కూడగట్టాలని పిలుపునిచ్చారు.

కాంగ్రెస్ పార్టీ విజయమే లక్ష్యంగా చింతలపూడి మండలంలో నాయకులు, కార్యకర్తలు ఎన్నికల ప్రచారాన్ని ముమ్మరం చేశారు. ప్రజల మద్దతుతో స్థానిక సంస్థల ఎన్నికల్లో మెరుగైన ఫలితాలు సాధించేందుకు కృషి చేస్తున్నట్లు పార్టీ నాయకులు తెలిపారు.