మురసు తుఫాన్ ప్రభావం.. తెలంగాణలో పలు జిల్లాలకు అలర్ట్ భారీ నుంచి అతిభారీ వర్షాలు
- పలు జిల్లాల్లో భారీ నుంచి అతిభారీ వర్షాలు కురిసే అవకాశం..
- ప్రజలు అప్రమత్తంగా ఉండాలని సూచన
తెలంగాణ (ఎన్‌ టుడే న్యూస్‌): తెలంగాణ రాష్ట్రంలో మురసు తుఫాన్ ప్రభావంతో పలు జిల్లాల్లో భారీ వర్షాలు కురిసే అవకాశం ఉందని భారత వాతావరణ శాఖ (ఐఎండీ) హెచ్చరించింది. ఈ నేపథ్యంలో ఆరు జిల్లాలకు ఆరెంజ్‌ అలర్ట్ జారీ చేసినట్లు సమాచారం.
ఖమ్మం, నల్గొండ, సూర్యాపేట, మహబూబ్‌నగర్‌, వనపర్తి, నాగర్‌కర్నూల్‌ జిల్లాల్లో భారీ నుంచి అతిభారీ వర్షాలు కురిసే అవకాశం ఉందని వాతావరణ శాఖ అంచనా వేసింది.
అదేవిధంగా ములుగు, భద్రాద్రి కొత్తగూడెం, మహబూబాబాద్‌, వరంగల్‌, జనగామ, సంగారెడ్డి, మెదక్‌, హనుమకొండ, యాదాద్రి భువనగిరి, మేడ్చల్‌–మల్కాజిగిరి, హైదరాబాద్‌, రంగారెడ్డి, వికారాబాద్‌ జిల్లాల్లో ఓ మోస్తరు నుంచి భారీ వర్షాలు కురిసే అవకాశం ఉందని హెచ్చరించింది.
తుఫాన్ ప్రభావంతో వాతావరణంలో మార్పులు చోటుచేసుకునే అవకాశం ఉన్నందున ప్రజలు అప్రమత్తంగా ఉండాలని అధికారులు సూచిస్తున్నారు. వర్షాలు కురిసే సమయంలో అత్యవసరమైతే తప్ప ప్రయాణాలు చేయవద్దని, లోతట్టు ప్రాంతాల ప్రజలు తగిన జాగ్రత్తలు తీసుకోవాలని సూచించారు.
