రుద్రాక్షపల్లిలో వైభవంగా చెన్నకేశవ స్వామి సేవ

సత్తుపల్లి: ఖమ్మం జిల్లా సత్తుపల్లి నియోజకవర్గం, సత్తుపల్లి మండలం రుద్రాక్షపల్లి గ్రామంలో కలియుగ దైవంగా భక్తులు కొలిచే చెన్నకేశవ స్వామి సేవా కార్యక్రమం భక్తిశ్రద్ధలతో నిర్వహించారు.

మంగళ వాయిద్యాల నడుమ నిర్వహించిన ఈ సేవా కార్యక్రమంలో ఆచారమంతులు భక్తి భావంతో అడుగులు వేస్తూ నృత్యాలు చేశారు. మహిళా ఆచారమంతులు నాగుమియా పునకాలతో ప్రత్యేక ఆకర్షణగా నిలిచారు. కార్యక్రమం సందర్భంగా గ్రామంలో ఆధ్యాత్మిక వాతావరణం నెలకొంది.

సేవా నిర్వాహకులు రజని–నాగేంద్ర, యుగంధర్–మాలతి దంపతులు మాట్లాడుతూ.. తమకు ఎదురైన ఇబ్బందులు, బాధలు తొలగిపోతే చెన్నారాయుడి సేవ నిర్వహిస్తామని మొక్కుకున్నామని తెలిపారు. తాము కోరుకున్న విధంగా సమస్యలు తొలగిపోవడంతో మొక్కు తీర్చుకునేందుకు సేవా కార్యక్రమం నిర్వహించినట్లు చెప్పారు.

చెన్నకేశవ స్వామిని భక్తిశ్రద్ధలతో కొలిస్తే కోరిన కోర్కెలు నెరవేరుతాయని తమ విశ్వాసాన్ని వారు వ్యక్తం చేశారు.