నేరేడుపల్లెలో వైఎస్సార్‌సీపీ కార్యకర్తలకు గుర్తింపు కార్డుల పంపిణీ

పీసీపల్లి: పీసీపల్లి మండలం నేరేడుపల్లె గ్రామపంచాయతీలో వైఎస్సార్‌సీపీ గ్రామ కమిటీ గుర్తింపు కార్డుల పంపిణీ కార్యక్రమం నిర్వహించారు. మండల వైఎస్సార్‌సీపీ అధ్యక్షుడు గోపవరపు బొర్రారెడ్డి, రాష్ట్ర పార్టీ ఇంటలెక్చువల్ సెక్రటరీ పెద్దిరెడ్డి ఓకే రెడ్డి, మండల పార్టీ ఉపాధ్యక్షుడు భూమిరెడ్డి కొండారెడ్డి, యర్రంరెడ్డి మోహన్ రెడ్డి ఆధ్వర్యంలో ఈ కార్యక్రమం జరిగింది.

ఈ కార్యక్రమంలో గ్రామ ప్రజలు, పార్టీ నాయకులు, కార్యకర్తలు పాల్గొన్నారు. గుర్తింపు కార్డులు పొందిన ప్రతి కార్యకర్తకు ప్రమాదవశాత్తు మరణం సంభవిస్తే రూ.5 లక్షల ప్రమాద బీమా వర్తిస్తుందని మండల నాయకులు తెలిపారు.

రాబోయే స్థానిక సంస్థల ఎన్నికల్లో దద్దాల నారాయణ యాదవ్ నాయకత్వంలో మండలంలోని ప్రతి గ్రామపంచాయతీలో నాయకులు, కార్యకర్తలు సమష్టిగా కృషి చేసి పార్టీ తరఫున పోటీ చేసే అభ్యర్థుల విజయానికి కృషి చేయాలని పిలుపునిచ్చారు.