యూనియన్ భవన నిర్మాణానికి 10 వేల ఇటుకల విరాళం

తిరువూరు: ఎన్టీఆర్ జిల్లా తిరువూరు మండల బిల్డింగ్ వర్కర్స్ యూనియన్ భవన నిర్మాణానికి ప్రముఖ ఇటుక బట్టీల వ్యాపారి రాంబాబు 10 వేల ఇటుకలను విరాళంగా అందించారు. కార్మికుల సౌకర్యార్థం నిర్మిస్తున్న యూనియన్ భవనానికి ఆయన ఈ సహకారం అందించడం పట్ల యూనియన్ నాయకులు హర్షం వ్యక్తం చేశారు.

ఈ సందర్భంగా విరాళంగా అందించిన ఇటుకలను యూనియన్ మండల అధ్యక్షుడు వేముల రమేష్ ఏసు స్వీకరించారు. యూనియన్ భవన నిర్మాణానికి ముందుకొచ్చి సహకరించిన రాంబాబుకు నాయకులు కృతజ్ఞతలు తెలిపారు. భవన నిర్మాణానికి దాతలు, ప్రజలు తమ వంతు సహకారం అందించాలని యూనియన్ నాయకులు కోరారు.