మధిర మున్సిపల్ కార్యాలయంలో గాంధీ జయంతి వేడుకలు

తెలంగాణ రాష్ట్రం, ఖమ్మం జిల్లా మధిర మున్సిపల్ కార్యాలయంలో శుక్రవారం జాతిపిత మహాత్మా గాంధీ జయంతి వేడుకలు నిర్వహించారు. ఈ సందర్భంగా మున్సిపల్ చైర్‌పర్సన్ సామినేని సుజాత గాంధీజీ చిత్రపటానికి పూలమాల వేసి నివాళులర్పించారు.

ఈ సందర్భంగా చైర్‌పర్సన్ సామినేని సుజాత, మున్సిపల్ కమిషనర్ సామ్యూల్ పాల్ మాట్లాడుతూ మహాత్మా గాంధీ చూపిన సత్యం, అహింస, పరిశుభ్రత, సేవా స్ఫూర్తి మార్గాలను ప్రతి ఒక్కరూ ఆదర్శంగా తీసుకోవాలని సూచించారు. గాంధీజీ ఆశయాలను ఆచరణలో పెట్టి సమాజ అభివృద్ధికి ప్రతి ఒక్కరూ కృషి చేయాలని పేర్కొన్నారు.

ఈ కార్యక్రమంలో మున్సిపల్ వైస్ చైర్మన్ కోన ధని కుమార్, వార్డు కౌన్సిలర్లు డి. శిరీష, బి. రాజు, బి. రేవతి, జి. మాధురి, యన్. రాజ్యలక్ష్మి, వి. నాగేశ్వరరావు, బి. విజయకుమారి, మున్సిపల్ అధికారులు, సిబ్బంది పాల్గొన్నారు.