శైలపుత్రి అలంకారంలో భక్తులకు దర్శనమిచ్చిన పద్మాక్షి అమ్మ వారు

పద్మాక్షి దేవి ఆలయంలో వైభవంగా శరన్నవరాత్రి ఉత్సవాలు ప్రారంభం

హనుమకొండ (ఎన్‌ టుడే న్యూస్‌): హనుమకొండలోని శ్రీ హనుమద్గిరి పద్మాక్షి దేవి ఆలయంలో శరన్నవరాత్రి మహోత్సవాలు వైభవంగా ప్రారంభమయ్యాయి. ఉత్సవాల్లో భాగంగా తొలిరోజు అమ్మవారి మూలమూర్తికి 21 కలశాలతో అభిషేకం నిర్వహించారు. అనంతరం శైలపుత్రి అలంకారంలో అమ్మవారు భక్తులకు దర్శనమిచ్చారు.

వరంగల్ పశ్చిమ ఎమ్మెల్యే నాయిని రాజేందర్ రెడ్డి, నీలిమ దంపతులు శరన్నవరాత్రి ఉత్సవాలను ప్రారంభించారు. ఈ సందర్భంగా వేదపండితులు వారికి ఆశీర్వచనాలు అందించారు.

అనంతరం ఆలయంలో చండీహోమం నిర్వహించి, భక్తులకు అన్నప్రసాదం పంపిణీ చేశారు. అమ్మవారి దర్శనం కోసం భక్తులు ఆలయానికి తరలివచ్చారు.