అన్నపూర్ణాదేవి అలంకరణలో దర్శనమిచ్చిన పార్వతీ అమ్మవారు

కొండపి: ప్రకాశం జిల్లా కొండపి మండలం పెద్దకళ్లగుంట గ్రామంలోని శ్రీ గంగా పార్వతీ సమేత శివాలయంలో దసరా శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా మూడో రోజు పార్వతీ అమ్మవారు అన్నపూర్ణాదేవి అలంకరణలో భక్తులకు దర్శనమిచ్చారు.

మంగళవారం తెల్లవారుజాము నుంచే ప్రధాన అర్చకుడు శ్రీధర శర్మ రామ్మూర్తి అమ్మవారికి ప్రత్యేక పూజలు నిర్వహించి అన్నపూర్ణాదేవిగా అలంకరించారు. రాష్ట్ర ప్రజలందరూ సుఖసంతోషాలతో, ఆయురారోగ్యాలతో ఉండాలని, పాడిపంటలు సమృద్ధిగా పండాలని అమ్మవారిని ప్రార్థిస్తూ ప్రత్యేక పూజలు నిర్వహించినట్లు అర్చకుడు తెలిపారు.