తిరువూరులో గురజాడ వెంకట అప్పారావు 164వ జయంతి వేడుకలు

నవయుగ వైతాళికుడు గురజాడ వెంకట అప్పారావు 164వ జయంతి ఘనంగా

ఎన్టీఆర్ జిల్లా తిరువూరు రెవెన్యూ డివిజన్ కార్యాలయంలో సోమవారం నవయుగ వైతాళికుడు గురజాడ వెంకట అప్పారావు 164వ జయంతి వేడుకలను ఘనంగా నిర్వహించారు.

ఈ సందర్భంగా తిరువూరు రెవెన్యూ డివిజన్ అధికారి ఏ. కుమార్ గురజాడ వెంకట అప్పారావు చిత్రపటానికి పూలమాల వేసి ఘనంగా నివాళులర్పించారు. తెలుగు సాహిత్యానికి, సమాజ సంస్కరణకు గురజాడ వెంకట అప్పారావు అందించిన విశిష్ట సేవలను ఈ సందర్భంగా స్మరించుకున్నారు.

తెలుగు సాహిత్యంలో గురజాడ రచనలు ప్రత్యేక స్థానాన్ని సంపాదించుకున్నాయని, సామాజిక చైతన్యం, మానవతా విలువలను పెంపొందించడంలో ఆయన రచనలు కీలక పాత్ర పోషించాయని పేర్కొన్నారు.

ఈ కార్యక్రమంలో తిరువూరు రెవెన్యూ డివిజన్ కార్యాలయ సిబ్బంది పాల్గొని గురజాడ వెంకట అప్పారావుకు నివాళులర్పించారు.