జనగామ : యువకుడు మృతి కారణం ఇదే..

• మద్యం మానేయాలని తల్లిదండ్రుల మందలింపు.
• మనస్తాపంతో అఘాయిత్యం?

జనగామ జిల్లా (ఎన్‌ టుడే న్యూస్‌): జనగామ జిల్లా లింగాల ఘనపురం మండలం కొత్తపల్లి గ్రామానికి చెందిన గుర్వందుల కృష్ణ (28) వ్యవసాయ బావి వద్ద ఉరేసుకుని మృతి చెందిన ఘటన విషాదం నింపింది.

వివరాల ప్రకారం.. కృష్ణ మద్యానికి అలవాటు పడటంతో మద్యం మానేయాలని తల్లిదండ్రులు పలుమార్లు సూచించినట్లు సమాచారం. మద్యం మానేయకపోతే పెళ్లికి అమ్మాయి దొరకదని వారు మందలించడంతో మనస్తాపానికి గురై ఆత్మహత్యకు పాల్పడినట్లు తెలుస్తోంది.

కుటుంబ సభ్యుల ఫిర్యాదు మేరకు పోలీసులు కేసు నమోదు చేశారు. పోస్టుమార్టం అనంతరం మృతదేహాన్ని కుటుంబ సభ్యులకు అప్పగించారు. ఘటనకు సంబంధించి పోలీసులు తదుపరి విచారణ చేపట్టారు.