మోటూరి కుటుంబాన్ని పరామర్శించిన మంత్రి తుమ్మల, ఎమ్మెల్యే కోరం కనకయ్య

రాధాకృష్ణమూర్తి మృతికి సంతాపం.. కుటుంబ సభ్యులకు ప్రగాఢ సానుభూతి

బయ్యారం, నవంబర్ 5 (ఎన్ టుడే న్యూస్): బయ్యారం మండలం సత్యనారాయణపురం గ్రామానికి చెందిన మోటూరి రాధాకృష్ణమూర్తి మృతి పట్ల రాష్ట్ర వ్యవసాయ శాఖ మంత్రి తుమ్మల నాగేశ్వరరావు, ఇల్లందు ఎమ్మెల్యే కోరం కనకయ్య సంతాపం వ్యక్తం చేశారు. గురువారం రాధాకృష్ణమూర్తి నివాసానికి చేరుకున్న మంత్రి, ఎమ్మెల్యే కుటుంబ సభ్యులను పరామర్శించి ఓదార్చారు.

కుటుంబ సభ్యులకు పరామర్శ

మృతుని భార్య లీలాకుమారి, కుమారులు మేఘనాథ్, పూర్ణచంద్రరావులను కలిసి ప్రగాఢ సానుభూతి తెలిపారు. ఈ విషాద సమయంలో కుటుంబ సభ్యులు ధైర్యంగా ఉండాలని, మనోధైర్యం కోల్పోవద్దని సూచించారు.

అనంతరం రాధాకృష్ణమూర్తి చిత్రపటానికి పూలమాలలు వేసి ఘనంగా నివాళులర్పించారు.

ప్రముఖుల హాజరు

ఈ కార్యక్రమంలో బయ్యారం తహసీల్దార్ నాగరాజు, డీఎస్పీ తిరుపతిరావు, సీఐ రవీందర్, ఎస్సై ప్రశాంత్ బాబు, నాయకులు వేజెళ్ల సురేష్, మోటూరి తిలక్, మూల మధుకర్ రెడ్డి, యలమంచిలి వెంకటేశ్వరరావు, జాగర్లమూడి భాస్కర్, తుమ్మల శ్రీనివాసరావు తదితరులు పాల్గొన్నారు.