సొంత గ్రామం పొన్నవరంలో ఓటు హక్కు వినియోగించుకున్న ఎమ్మెల్యే సుజనా చౌదరి

ప్రజాస్వామ్య పరిరక్షణలో ఓటు వజ్రాయుధం.. ప్రలోభాలకు లొంగకుండా స్వేచ్ఛగా ఓటు వేయాలి

వీరులపాడు, నవంబర్ 5 (ఎన్ టుడే న్యూస్): ఎన్టీఆర్ జిల్లా వీరులపాడు మండలం పొన్నవరం గ్రామంలో గురువారం నిర్వహించిన జడ్పీటీసీ, ఎంపీటీసీ ఎన్నికల సందర్భంగా విజయవాడ పశ్చిమ ఎమ్మెల్యే, మాజీ మంత్రి సుజనా చౌదరి తన స్వగ్రామమైన పొన్నవరంలో ఓటు హక్కును వినియోగించుకున్నారు.

ఓటు హక్కును బాధ్యతగా వినియోగించుకోవాలి

ఈ సందర్భంగా సుజనా చౌదరి మాట్లాడుతూ.. ప్రజాస్వామ్య పరిరక్షణలో ఓటు వజ్రాయుధం వంటిదని పేర్కొన్నారు. 18 ఏళ్లు నిండిన ప్రతి ఒక్కరూ ఎలాంటి ప్రలోభాలకు లోనుకాకుండా స్వేచ్ఛగా తమ ఓటు హక్కును వినియోగించుకోవాలని కోరారు.

అభివృద్ధి, సంక్షేమ కార్యక్రమాలపై ప్రస్తావన

కూటమి ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలతో ప్రజల విశ్వాసాన్ని చూరగొంటుందని ఆయన పేర్కొన్నారు.