UCG ప్రాజెక్టుపై ఎమ్మెల్యే రోషన్ కుమార్ కీలక ప్రకటన..

UCG ప్రాజెక్టుపై ఎమ్మెల్యే రోషన్ కుమార్ కీలక ప్రకటన.. ప్రజల అభిప్రాయాల తర్వాతే నిర్ణయం

చింతలపూడి నియోజకవర్గ రిపోర్టర్ కుడిపుడి సత్తి బాబు 

చింతలపూడి: రిలయన్స్ యూసీజీ (UCG) ప్రాజెక్టు విషయంలో ప్రజలలో ఉన్న అనుమానాలు, సందేహాలు పూర్తిగా నివృత్తి అయిన తర్వాతే తుది నిర్ణయం తీసుకుంటామని చింతలపూడి ఎమ్మెల్యే సొంగా రోషన్ కుమార్ స్పష్టం చేశారు.

నియోజకవర్గ ప్రజలకు మేలు జరిగే విధంగా తన నిర్ణయాలు ఉంటాయని, ఎల్లప్పుడూ ప్రజల పక్షాన నిలుస్తానని ఎమ్మెల్యే తెలిపారు. ప్రాజెక్టు వల్ల కలిగే ప్రయోజనాలు, ప్రభావాలపై స్పష్టత వచ్చిన తర్వాతే ముందుకు వెళ్తామని పేర్కొన్నారు.

అన్ని అంశాలు అనుకూలంగా ఉండి కేవలం భూ పరిహారం విషయంలోనే సమస్యలు తలెత్తితే, రైతులకు న్యాయం జరిగేలా చర్యలు తీసుకుంటామని చెప్పారు. చట్టపరంగా లభించే పరిహారం కంటే మెరుగైన ధర అందించే విధంగా ముఖ్యమంత్రి, ప్రభుత్వంతో చర్చించి రైతుల ప్రయోజనాలను కాపాడేందుకు కృషి చేస్తానని ఎమ్మెల్యే హామీ ఇచ్చారు.