నూజివీడు మున్సిపల్ చైర్మన్‌గా బర్రె ఇళయరాజా విజయం.. శ్రీకర్ బుర్రి ఘన సత్కారం

ఏలూరు జిల్లా నూజివీడు మున్సిపల్ ఎన్నికల్లో ఉమ్మడి కూటమి చైర్మన్ అభ్యర్థిగా బర్రె ఇళయరాజా విజయం సాధించడంతో రాజకీయ వర్గాల్లో హర్షాతిరేకాలు వ్యక్తమయ్యాయి. ఈ సందర్భంగా ఏలూరు జిల్లా బీజేపీ ఎస్సీ మోర్చా అధ్యక్షుడు శ్రీకర్ బుర్రి నూతన చైర్మన్ బర్రె ఇళయరాజాను మర్యాదపూర్వకంగా కలిసి పుష్పగుచ్ఛం అందజేసి శాలువాతో ఘనంగా సత్కరించి శుభాకాంక్షలు తెలిపారు. ఈ సందర్భంగా శ్రీకర్ బుర్రి మాట్లాడుతూ, నూజివీడు మున్సిపాలిటీలో ఉమ్మడి కూటమి సాధించిన విజయం ప్రజల నమ్మకానికి, కూటమి నాయకులు, కార్యకర్తల సమష్టి కృషికి నిదర్శనమని అన్నారు. ప్రజలు తమపై ఉంచిన విశ్వాసాన్ని నిలబెట్టుకుంటూ నూతన చైర్మన్ బర్రె ఇళయరాజా పట్టణ అభివృద్ధికి ప్రాధాన్యత ఇవ్వాలని ఆకాంక్షించారు. మున్సిపాలిటీలో మౌలిక సదుపాయాల కల్పన, పారిశుధ్యం, తాగునీటి సమస్యల పరిష్కారం, రహదారుల అభివృద్ధి వంటి అంశాలపై ప్రత్యేక దృష్టి సారించి ప్రజలకు మెరుగైన పాలన అందించాలని సూచించారు. కూటమి నాయకులు, కార్యకర్తలు సమన్వయంతో పనిచేస్తూ నూజివీడు పట్టణాన్ని అభివృద్ధి పథంలో ముందుకు తీసుకెళ్లాలని ఆయన ఆకాంక్షించారు.