కర్ణాటకలో నందిని పాల ధర లీటర్‌కు రూ.8 పెంపు
నవంబర్ 1 నుంచి కొత్త ధరలు అమలు.. రైతులకు రూ.7, సహకార సంఘాలకు రూ.1 కేటాయింపు
బెంగళూరు, అక్టోబర్ 29 (ఎన్ టుడే న్యూస్): కర్ణాటకలో నందిని పాల ధరలను లీటర్‌కు రూ.8 పెంచేందుకు రాష్ట్ర కేబినెట్ ఆమోదం తెలిపింది. పెరిగిన ధరలు నవంబర్ 1 నుంచి అమల్లోకి రానున్నాయి. ధరల పెంపులో లీటర్‌కు రూ.7 రైతులకు, రూ.1 పాల సహకార సంఘాలకు అందించనున్నారు.
రైతులకు పెరగనున్న పాల సేకరణ ధ
ప్రస్తుతం లీటర్‌కు సుమారు రూ.35గా ఉన్న పాల సేకరణ ధరను రూ.42కు పెంచనున్నారు. ఇప్పటికే అమల్లో ఉన్న రూ.5 ప్రోత్సాహకాన్ని కలిపితే రైతులకు లీటర్‌కు మొత్తం రూ.47 అందనుంది.
నవంబర్ 1 నుంచి కొత్త ధరలు
పాల సేకరణ ధర పెంపుతో పాడి రైతులకు అదనపు ఆదాయం లభించనుంది. పాల సహకార సంఘాలకు కూడా లీటర్‌కు రూ.1 కేటాయించనున్నారు. అయితే వినియోగదారులకు విక్రయించే పాల కొత్త ధరలు, ప్యాకెట్ పరిమాణాల వారీగా వివరాలు అధికారికంగా వెల్లడైన తర్వాత స్పష్టత రానుంది.
