గన్నవరం చేరుకున్న తమిళనాడు సీఎం విజయ్

గన్నవరం చేరుకున్న తమిళనాడు సీఎం విజయ్ ఇంద్రకీలాద్రిపై దుర్గమ్మ దర్శనం.. విజయవాడ ఉత్సవ్ 2.0లో పాల్గొననున్న ముఖ్యమంత్రి విజయవాడ: తమిళనాడు ముఖ్యమంత్రి విజయ్ ప్రత్యేక విమానంలో గన్నవరం విమానాశ్రయానికి చేరుకున్నారు. ఆయన రాక నేపథ్యంలో విమానాశ్రయం పరిసరాల్లో భారీ భద్రతా ఏర్పాట్లు చేశారు. సీఎం విజయ్‌కు అధికారులు, ఇతర ప్రముఖులు ఘనస్వాగతం పలికారు. పర్యటనలో భాగంగా విజయ్ ఇంద్రకీలాద్రిపై కొలువైన కనకదుర్గమ్మను దర్శించుకోనున్నారు. అనంతరం విజయవాడలో నిర్వహిస్తున్న ఉత్సవ్ 2.0 కార్యక్రమంలో పాల్గొననున్నారు. ఇదిలా ఉండగా, మంగళవారం సాయంత్రం 5.30 గంటలకు ఉండవల్లిలోని ఆంధ్రప్రదేశ్ ముఖ్యమంత్రి క్యాంపు కార్యాలయంలో ఏపీ సీఎం చంద్రబాబుతో విజయ్ కీలక సమావేశంలో పాల్గొననున్నారు. ఈ భేటీలో గోదావరి–కావేరి నదుల అనుసంధాన అంశంపై ప్రధానంగా చర్చించే అవకాశం ఉంది. ఇరు రాష్ట్రాలకు సంబంధించిన ఇతర అభివృద్ధి అంశాలు కూడా చర్చకు వచ్చే అవకాశం ఉన్నట్లు సమాచారం.