ఇంద్రకీలాద్రిపై కనకదుర్గమ్మను దర్శించుకున్న తమిళనాడు సీఎం విజయ్

విజయవాడ: ఇంద్రకీలాద్రిపై కొలువైన శ్రీ దుర్గామల్లేశ్వర స్వామి వార్లను తమిళనాడు ముఖ్యమంత్రి విజయ్ దర్శించుకున్నారు. సీఎం హోదాలో తొలిసారి కనకదుర్గమ్మ దర్శనానికి వచ్చిన విజయ్‌కు ఆలయ అర్చకులు పూర్ణకుంభంతో ఘన స్వాగతం పలికారు.

ఈ సందర్భంగా ఆలయ అధికారులు ప్రత్యేక ఏర్పాట్లు చేశారు. విజయ్‌కు స్వాగతం పలికిన వారిలో ఎంపీ కేశినేని శివనాథ్, దేవాదాయ శాఖ కమిషనర్ రామచంద్ర మోహన్ తదితరులు ఉన్నారు. అనంతరం సీఎం విజయ్ అమ్మవారిని దర్శించుకుని ప్రత్యేక పూజల్లో పాల్గొన్నారు.