రెండు బైకులు ఢీ.. సాఫ్ట్‌వేర్ ఇంజినీర్ మృతి

సీ.ఎస్.పురం (ఎన్ టుడే న్యూస్): ప్రకాశం జిల్లాలోని సీ.ఎస్.పురం మండలం ఉప్పలపాడు స్టేజీ వద్ద రెండు బైకులు ఎదురెదురుగా ఢీకొన్న ప్రమాదంలో సాఫ్ట్‌వేర్ ఇంజినీర్ మృతి చెందగా, మరో ఇద్దరు గాయపడ్డారు.

ఈ ప్రమాదంలో కడప జిల్లా బి.కోడూరు మండలం హైత్రంపేటకు చెందిన సాఫ్ట్‌వేర్ ఇంజినీర్ కొండా వెంకటసుబ్బారెడ్డి (23) అక్కడికక్కడే మృతి చెందారు. ఆయన మామ సిద్ధారెడ్డికి కాలు విరగగా, సీ.ఎస్.పురానికి చెందిన డ్రైవర్ పాశం వెంకటేశ్వర్లుకు తీవ్ర గాయాలయ్యాయి.

సమాచారం అందుకున్న పోలీసులు ఘటనాస్థలానికి చేరుకుని క్షతగాత్రులను ఆసుపత్రులకు తరలించారు. ప్రమాదానికి గల పూర్తి వివరాలు తెలియాల్సి ఉంది.