విశాఖ జూ, వన్యప్రాణి సంరక్షణ కేంద్రాన్ని సందర్శించిన స్పీకర్ అయ్యన్న పాత్రుడు, ఎమ్మెల్యే వేగేశన నరేంద్ర వర్మ

విశాఖపట్నంలోని జంతు ప్రదర్శనశాల (జూ)తో పాటు వన్యప్రాణి సంరక్షణ కేంద్రాన్ని ఆంధ్రప్రదేశ్ శాసనసభ స్పీకర్ అయ్యన్న పాత్రుడు, బాపట్ల ఎమ్మెల్యే వేగేశన నరేంద్ర వర్మ కలిసి మంగళవారం సందర్శించారు.

ఆంధ్రప్రదేశ్ వన్యప్రాణుల మరియు పర్యావరణ పరిరక్షణ కమిటీ ఆధ్వర్యంలో నిర్వహిస్తున్న జూ, వన్యప్రాణి సంరక్షణ కేంద్రంలోని వివిధ విభాగాలను పరిశీలించిన వారు, అక్కడి నిర్వహణ, జంతు సంరక్షణ, పర్యావరణ పరిరక్షణ చర్యలపై అధికారులతో వివరాలు తెలుసుకున్నారు. వన్యప్రాణుల సంరక్షణ, జీవ వైవిధ్య పరిరక్షణకు చేపడుతున్న కార్యక్రమాలను అభినందిస్తూ, ప్రజల్లో పర్యావరణ పరిరక్షణపై మరింత అవగాహన పెంపొందించేలా చర్యలు కొనసాగించాలని సూచించారు.