జనసేన విజయమే లక్ష్యంగా పనిచేస్తాం: పగడాల రమణ
ఆంధ్రప్రదేశ్
/
అన్నమయ్య
ఎస్ రెడ్డి రాఘవేంద్రరాజు
పుంగనూరు నియోజకవర్గ ప్రతినిధి
పుంగనూరులోని 36 వార్డుల్లో పార్టీ గెలుపే ధ్యేయం
పవన్ కళ్యాణ్ అప్పగించిన బాధ్యతలను శిరసావహిస్తాం
పుంగనూరు: రాబోయే ఎన్నికల్లో జనసేన పార్టీ విజయమే లక్ష్యంగా పనిచేస్తామని ఆ పార్టీ పుంగనూరు సమన్వయకర్త పగడాల రమణ తెలిపారు. పుంగనూరులోని జనసేన పార్టీ కార్యాలయంలో మాట్లాడుతూ, పార్టీ అధినేత పవన్ కళ్యాణ్ తమపై నమ్మకంతో సమన్వయకర్తగా బాధ్యతలు అప్పగించడం ఆనందంగా ఉందన్నారు.
పుంగనూరులోని 36 వార్డుల్లోనూ జనసేన నాయకులు విజయం సాధించి, ఆ విజయాన్ని పవన్ కళ్యాణ్‌కు కానుకగా అందిస్తామని ధీమా వ్యక్తం చేశారు. ఎన్నికల్లో పార్టీ అభ్యర్థుల గెలుపు కోసం నాయకులు, కార్యకర్తలతో కలిసి 100 శాతం కష్టపడతామని స్పష్టం చేశారు.
పార్టీ సిద్ధాంతాలే మార్గదర్శకం
జనసేన పార్టీ స్థాపించినప్పటి నుంచి పవన్ కళ్యాణ్ ఆశయాలు, సిద్ధాంతాలను మార్గదర్శకంగా తీసుకుని పార్టీ అభివృద్ధికి నిరంతరం కృషి చేస్తున్నామని పగడాల రమణ తెలిపారు. అధినేత ఇచ్చే ప్రతి ఆదేశాన్ని శిరసావహిస్తూ పార్టీ బలోపేతానికి అహర్నిశలు పనిచేస్తున్నామని పేర్కొన్నారు.
తమ కృషిని గుర్తించి సమన్వయకర్తగా అవకాశం కల్పించిన పవన్ కళ్యాణ్‌కు హృదయపూర్వక ధన్యవాదాలు తెలిపారు. ఈ బాధ్యతను పదవిగా కాకుండా, పార్టీ తనపై ఉంచిన నమ్మకంగా భావిస్తున్నానని అన్నారు.
సమష్టి కృషితో పార్టీ బలోపేతం
తమకు అప్పగించిన బాధ్యతలను నిస్వార్థంగా, క్రమశిక్షణతో నిర్వహిస్తూ రాబోయే ఎన్నికల్లో జనసేన అభ్యర్థుల విజయానికి కృషి చేస్తామని పగడాల రమణ తెలిపారు. పుంగనూరు జనసేన నాయకులు, కార్యకర్తల సహకారంతో పార్టీని మరింత బలోపేతం చేస్తామని పేర్కొన్నారు.
ఈ కార్యక్రమంలో మండల అధ్యక్షుడు విరూపాక్షి, పట్టణ అధ్యక్షుడు నరేశ్ రాయల్, సుబ్రమణ్యం, ప్రధాన కార్యదర్శి హరి నాయక్, కార్యదర్శి జనార్ధన రాయల్, శ్రీరాములు, నాగరాజ, పవన్ కుమార్, బాలాజీ నాయక్, పట్టణ ఉపాధ్యక్షుడు నందు, జీఎన్ బాబు, వెంకీ, వెంకటరమణ తదితరులు పాల్గొన్నారు.
