సరదాగా గడిపేందుకు వెళ్లి ప్రాణాలు కోల్పోయిన యువకులు

• మల్కారం క్వారీ గుట్టల వద్ద విషాదం..
• నీటిలో మునిగి ఇద్దరు విద్యార్థుల మృతి

మేడ్చల్ జిల్లా, జవహర్‌నగర్ (ఎన్‌ టుడే న్యూస్‌): ఆదివారం సెలవు కావడంతో సరదాగా గడిపేందుకు వెళ్లిన ఇద్దరు విద్యార్థులు నీటిలో మునిగి మృతి చెందిన విషాద ఘటన మేడ్చల్ జిల్లా జవహర్‌నగర్ పోలీస్‌స్టేషన్ పరిధిలోని మల్కారం క్వారీ గుట్టల వద్ద చోటుచేసుకుంది.

వివరాల ప్రకారం.. యాప్రాల్‌కు చెందిన ఐదుగురు విద్యార్థులు ఆదివారం సరదాగా గడిపేందుకు మల్కారం క్వారీ ప్రాంతానికి వెళ్లారు. ఈ క్రమంలో వారిలో ఇద్దరు విద్యార్థులు ఈత కొట్టేందుకు క్వారీలోని నీటిలోకి దిగారు. అయితే నీటి లోతు తెలియకపోవడంతో ప్రమాదవశాత్తు ఇద్దరూ నీటిలో మునిగిపోయి ప్రాణాలు కోల్పోయారు.

మృతులను సీవీఆర్ కాలేజీలో చదువుతున్న రోహిత్ (18), సీఎంఆర్ కాలేజీలో చదువుతున్న సయాన్ (18)గా గుర్తించారు. ఇద్దరు యువ విద్యార్థుల మృతితో వారి కుటుంబాల్లో తీవ్ర విషాదం నెలకొంది.

ఘటనకు సంబంధించిన మరిన్ని వివరాలు తెలియాల్సి ఉంది.