www.ntodaynews.com
శ్రీశైలంలో సంప్రదాయ నృత్య ప్రదర్శన కార్యక్రమం
తెలంగాణ
శ్రీశైలంలో సంప్రదాయ నృత్య ప్రదర్శన కార్యక్రమం
NTODAY NEWS: శ్రీశైలం, నంద్యాల జిల్లా ప్రతినిధి మల్లికార్జున
శ్రీశైల దేవస్థానం నిర్వహిస్తున్న ధర్మపథం కార్యక్రమంలో భాగంగా నిత్యకళారాధన కార్యక్రమాన్ని ఘనంగా నిర్వహించారు. ఈ సందర్భంగా శ్రీ భ్రమరాంబా నృత్యకళాశాల, నందికొట్కూరు బృందం ఆధ్వర్యంలో సంప్రదాయ నృత్య ప్రదర్శన ఏర్పాటు చేశారు.
ఆలయ దక్షిణ మాడవీధిలోని నిత్యకళారాధన వేదిక వద్ద సాయంత్రం నుంచి ఈ నృత్య ప్రదర్శన కార్యక్రమం కొనసాగింది. ఈ కార్యక్రమంలో సిద్ధి వినాయక, ప్రణవాలయ పాహి, నా స్వామి మల్లయ్య, భో.. శివశంభో తదితర గీతాలకు వెంకట తులసి, రామతులసి, అంబిక, కోమలి, భ్రమరాంబ తదితరులు నృత్య ప్రదర్శనలు ఇచ్చారు.
దేవస్థానం నిర్వహిస్తున్న నిత్యకళారాధన కార్యక్రమంలో ప్రతిరోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని వంటి సాంస్కృతిక కార్యక్రమాలు నిర్వహిస్తున్నారు.
ప్రాచీన సంప్రదాయ కళలను పరిరక్షిస్తూ శ్రీస్వామి, అమ్మవార్లకు జరిగే కైంకర్యాలు పరిపూర్ణంగా సాగాలని ఆకాంక్షిస్తూ ఈ కార్యక్రమాలను నిర్వహిస్తున్నట్లు దేవస్థానం అధికారులు తెలిపారు.
#Srisailam #BhramarambaTemple #CulturalProgram #TraditionalDance #AndhraPradeshNews #NTodayNews
Follow us on
Website
Facebook
Instagram
YouTube 
