గ్రేటర్ వరంగల్ ప్రజావాణికి 73 దరఖాస్తులు

వరంగల్: గ్రేటర్ వరంగల్ మున్సిపల్ కార్పొరేషన్ కార్యాలయంలో సోమవారం నిర్వహించిన ప్రజావాణి కార్యక్రమంలో మొత్తం 73 దరఖాస్తులు స్వీకరించినట్లు అదనపు కమిషనర్ జోనా తెలిపారు.

విభాగాల వారీగా టౌన్ ప్లానింగ్‌కు 35, ఇంజినీరింగ్ విభాగానికి 22, ఆరోగ్యం–పారిశుద్ధ్య విభాగానికి 6, రెవెన్యూ విభాగానికి 6, నీటి సరఫరా విభాగానికి 4 దరఖాస్తులు అందినట్లు వెల్లడించారు.

ప్రజల నుంచి వచ్చిన వినతులను సంబంధిత అధికారులు క్షుణ్ణంగా పరిశీలించి, నిర్ణీత గడువులోగా వేగంగా పరిష్కరించాలని అదనపు కమిషనర్ ఆదేశించారు. ప్రజావాణి దరఖాస్తుల పరిష్కారంలో నిర్లక్ష్యం వహించకుండా, ప్రజలకు సకాలంలో సేవలు అందించాలని సూచించారు.