మేనేజ్‌మెంట్ స్టడీస్‌లో పీహెచ్‌డీ సాధించిన ఆత్మకూరు యువకుడు
ఆంధ్రప్రదేశ్
/
నంద్యాల
Moola Rajendra Reddy
Allagadda Mandal
ఆత్మకూరు: నంద్యాల జిల్లా ఆత్మకూరుకు చెందిన ఆరేపల్లి ఉమేష్ చంద్ర అంబేద్కర్ యూనివర్సిటీ ఆఫ్ హైదరాబాద్ (యూఓహెచ్) నుంచి మేనేజ్‌మెంట్ స్టడీస్‌లో డాక్టరేట్ (పీహెచ్‌డీ) పట్టా పొందారు.
ఉమేష్ చంద్ర అంబేద్కర్ విద్యార్థి నాయకుడిగా కూడా గుర్తింపు పొందారు. యూనివర్సిటీ ఆఫ్ హైదరాబాద్ స్టూడెంట్స్ యూనియన్‌కు 2024–25 విద్యా సంవత్సరంలో అధ్యక్షుడిగా పనిచేశారు. ఆయన నాయకత్వంలో విద్యార్థుల సమస్యల పరిష్కారం కోసం పలు కార్యక్రమాలు, ఉద్యమాలు నిర్వహించారు.
కంచ గచ్చిబౌలిలోని 400 ఎకరాల భూమి, పర్యావరణం, జీవవైవిధ్య పరిరక్షణకు సంబంధించి నిర్వహించిన భూ ఆందోళనలోనూ ఆయన నాయకత్వం వహించారు. విద్యార్థి దశలో వివిధ అంశాలపై చురుకుగా పనిచేస్తూనే ఉన్నత విద్యను కొనసాగించిన ఆయన మేనేజ్‌మెంట్ స్టడీస్‌లో పీహెచ్‌డీ పూర్తి చేశారు.
ఆత్మకూరు నుంచి ఉన్నత విద్యలో డాక్టరేట్ సాధించిన ఉమేష్ చంద్ర అంబేద్కర్‌ను స్థానికులు, విద్యార్థులు అభినందించారు.
